Tour Scotland video of Rory " Rowdy " Yates singing The Tryst in the Greyfriars Bar on visit to Perth, Perthshire, Scotland. The Tryst is a poem in Scots by William Soutar.
O luely, luely cam she in
And luely she lay doun:
I kent her be her caller lips
And her breists sae sma' and roun'
A' thru the nicht we spak nae word
Nor sinder'd bane frae bane:
A' thru the nicht I heard her hert
Gang soundin' wi' my ain
It was about the waukrife hour
Whan cocks begin to craw:
That she smool'd saftly thru the mirk
Afore the day wud daw.
Sae luely, luely cam she in
Sae luely was she gaen:
And wi' her a' my simmer days
Like they had never been.
Glossary of Scots words: luely - softly; Kent - knew; caller - fresh; breists - breasts; sinder'd - parted; bane - bone; gang - go; waukrife - wakeful; smool'd - slipped away; mirk - dark; afore - before; wud - would; daw - dawn;gaen - gone; simmer - summer
All photographs are copyright of Sandy Stevenson, Tour Scotland, and may not be used without permission.
View the most recent Tour Scotland photographs.
No comments:
Post a Comment