Tour Scotland Video A Man's A Man For A' That Wheel Inn Scone Perthshire

Tour Scotland travel video of Andrew Gordon singing A Man's A Man For A' That song on visit and trip to a pub in Scone by Perth, Perthshire.<
Is there for honest Poverty
That hings his head, an' a' that;
The coward slave-we pass him by,
We dare be poor for a' that!
For a' that, an' a' that.
Our toils obscure an' a' that,
The rank is but the guinea's stamp,
The Man's the gowd for a' that.

What though on hamely fare we dine,
Wear hoddin grey, an' a that;
Gie fools their silks, and knaves their wine;
A Man's a Man for a' that:
For a' that, and a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie, ca'd a lord,
Wha struts, an' stares, an' a' that;
Tho' hundreds worship at his word,
He's but a coof for a' that:
For a' that, an' a' that,
His ribband, star, an' a' that:
The man o' independent mind
He looks an' laughs at a' that.

A prince can mak a belted knight,
A marquis, duke, an' a' that;
But an honest man's abon his might,
Gude faith, he maunna fa' that!
For a' that, an' a' that,
Their dignities an' a' that;
The pith o' sense, an' pride o' worth,
Are higher rank than a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
It's coming yet for a' that,
That Man to Man, the world o'er,
Shall brothers be for a' that.

All photographs are copyright of Sandy Stevenson, Tour Scotland, and may not be used without permission.

View the most recent Tour Scotland photographs.

Tour Scotland. Tour Aberdeen, Tour Dundee, Tour Edinburgh, Tour Glasgow, Tour Isle of Skye. Tour Glencoe, Tour Loch Lomond. Tour Loch Ness.
Tour St Andrews.