Tour Scotland photograph of a Haggis Maker in Alyth, Perthshire, Scotland. Mike J Dorward, Scottish Quality Butcher. 5 Commercial Street, Alyth, Perthshire, Scotland. Gold award pork sausages, haggis, black pudding, Alyth dry cured bacon steaks, cooked gammon, Boerewors, Merguez. Diamond award beef sausages.
Address to a Haggis, by Robert Burns, Born Alloway near Ayr, Scotland, 25th January, 1759.
Fair fa' your honest, sonsie face,
Great Chieftain of the Puddin'-race!
Aboon the a' ye tak your place,
Painch, tripe or thairm;
Weel are ye wordy of a grace
As lang's my arm.
The groaning trencher there ye fill,
Your hurdlies like a distant hill,
Your pin wad help to mend a mill
In time o need,
While thro' your pores the dews distil
Like amber bead
His knife see Rustic-labour dight,
An' cut you up wi' ready slight,
Trenching your gushing entrails bright,
Like onie ditch;
And then, O what a glorious sight,
Warm-reeking, rich!
Then horn for horn, they stretch an' strive:
Deil tak the hindmost , on they drive,
Till a' their weel-swall'd kytes belyve
Are bent like drums;
The auld Guidman, maist like to rive
'Bethankit' hums.
Is there that owre his French ragout,
Or olio that wad staw a sow,
Or fricassee wad make her spew
Wi' perfect sconner,
Looks down wi sneering, scornfu' view
On sic a dinner?
Poor devil! see him owre his trash,
As reckless as a wither'd rash,
His spindle shank a guid whip-lash,
His nieve a nit;
Thro' bluidy flood or field to dash,
O how unfit!
But mark the Rustic, haggis-fed,
The trembling earth resounds his tread,
Clap in his walie nieve a blade,
He'll mak it whissle;
An' legs, an' arms, an' heads will sned,
Like taps o' thrissle.
Ye Pow'rs, wha mak mankind your care,
And dish them out their bill o' fare,
Auld Scotland wants nae skinking ware
That jaups in luggies;
But, it ye wish her gratefu' pray'r,
Gie her a Haggis!
All photographs are copyright of Sandy Stevenson, Tour Scotland, and may not be used without permission.
View the most recent Tour Scotland photographs.
No comments:
Post a Comment